يا حلم سلم لي على ناعم العود=اللي حربني عن منامي غرامه
ساكن بقلبي مير للعين مفقود=مبطي ما شفته رافته السلامه
أدوره وأشتاق له شوق ممدود=ماله نهاية بالوفاء والشهامه
بذلت من شأنه مباذيل وجهود=خسرت حالي ما خسرت الكرامه
كرمان لعيونه بقدم له الجود=لو يطلب عيوني فدايا لثامـه
والله ما يغلى على الغالية زود=ما دامني زيزوم راعي زعامه
أبات ليلي والهوى يحرق الفود=وأصبح وقلبي غارقٍ(ن)في هيامه
الشوق جوف القلب ما عشت موجود=ابحتفظ به لين يوم القيامه
بسهر مع الأطياف والعالم رقود=الناس كلٍ(ن)مهتني في منامه
بين الرجا واليأس يا حلم ملهود=من عقب غاب اللي ينشط كلامه
أون ون اللي من الوقت مضهود=كلٍ(ن)تخلى عنه حتى عمامه
يا حلم سلم لي على ناعم العود=اللي حربني عن منامي غرامه