وصلني خبر خرب مزاجي والأفراح=نشر بالصحافة في سبق والوئامي
تقول الصحافة بعد ما سرها باح=خبر مختصر لله بس الدوامي
رشيد إنتهى والموت مسرى ومسراح=على الناس حقٍ(ن)منكتب ما يلامي
عسى الله يرحم شاعرٍ(ن)بالجزل لاح=قضى جل عمره في صلاة وصيامي
رشيد الزلامي راح والاسم ما راح=فعول الزلامي خلدت للزلامي
رشيدي الزلامي نجم في مغربيه طاح=عمر وإنتهى عساه عند الرحامي
مقدر علينا الموت شيال الأرواح=ولا خالد إلا رب كل الأنامـي
قضى ما كتب من عمر في جد ومزاح=بدار الفنا وأقفى لدار السلامي
لو أن القصيد ينوح في ذمتي ناح=تظلي دموعه مثل وبل الغمامي
على شاعرٍ(ن)جامع لحكمة ومسباح=تنام البشر لكن هو ما ينامي
ينقح جزيل الشعر لا وقت الأصباح=مثايل عريفٍ(ن)ما يدور وسامي
قصيده مع الركبان سرحة ومرواح=نوادر كلامه غير كل الكلامي
نبي نلحقه واللي سبق قبل يا صاح=عسى الله يرحمنا بحسن الختامي