يا نجمة الصبح ياللي تسبقين الشمس بالشرق=أمانة الله سلامي بلغيه اللي كما الشمس
لا من صحا من منامه بلغيه العلم في رفق=بشويش قولي يبلغك السلام صويحب الأمس
اللي سلبتيه عقله والفؤاد تسارقه سرق=أربع سنين يتعلم للدروس ولا حفـظ درس
هم الدراسة بمحراب الغرام محرقه حرق=بعد إختلط في قوانين الغرام الون والهمس
حتى القصائد تغير شكلها بالقاف والطرق=عذب القصائد تبلد حسها ما عاد بتحس
ما باقي إلا مشاعر بالخفوق تزوده خفق=عزاه يا قلبي اللي في غرامي منغمس غمس
لا من ذكر للظروف اللي حدتني طق به عرق=لا عدت يا وقت يامنحوس مدري حظي النحس
فرقت بيني وبين اللي يشابه لمعة البرق=أخذتني بإتجاه وصاحبي مأخذه بالعكس
لو كنت تشعر لحالي يا زمن حسيت بالفرق=ما كان باعدت نجمة صبحي اللي كنها القبس
لكن مشكاي للي كاتب الأعمار والرزق==اللي غرس ودها في خافقي ياطيب من غرس
أدعي وتدعي وربي مطلع للحال والنطق==يعلم بسر القلوب ولا خفته نهاية الحدس
قادر يقرب مسافات التباعد والهوى الطلق==نحيا بجو التواصل ما بها قيدٍ(ن)ولا حبس
أشفق على صاحبي وصويحبي من حالتي شفق=نسقي كبودٍ(ن)يباس بجوفنا وعروقنا اليبس
يا نجمة الصبح ياللي تسبقين الشمس بالشرق=أمانة الله سلامي بلغيه اللي كما الشمس