وينك حبيبي سبعة أيام غايب=مرت عليًه كنها سبعٍ(ن)عجاف
أدورك مع ذايرات الهبايب=والقاك ملهم شعر في كل محراف
حب وغرام وشوق وأغلى حبايب=هواك داخل خافقي فاق الأوصاف
القلب فيني من محبتك ذايب=وأنته بعيد وصرت ما عاد تنشاف
محتاج لك والشوق مشعل لهايب=خلف الضلوع بخافقٍ(ن)يرجف رجاف
أصيح بك تكفى ولاني بهايب=أنخاك قبل الوجد يتلفني إتلاف
ترى جروحي منك وأنت السبايب=هواك قاضي خصم ما يعرف إنصاف
ما عادني من لوعة الحب طايب=عمري بدونك يأريش العين ينعاف
ما عاد لي غيرك من البيض نايب=ولا عاد أبي غيرك من البيض ميلاف
سويت فيني بالزمان العجايب=غديت لك مملوك في كل ميقاف
أون وأسمع في ضلوعي حطايب=ما عاد تقوى ونتي أضلع نحاف
طفل الهوى اللي كان ذا الليل شايب=أجمل ليال العمر خليته خلاف
وينك حبيبي سبعه أيام غايب=مرت عليًه كنها سبعٍ(ن)عجاف