عزي لقلبٍ(ن)هزه الوجد هزي=خلف الضلوع العوج فيه اهتزازي
لا من ذكرت لناعم العود فزي=يصفق بصدري مثل جنحان بازي
جز المشاعر والمعاليق جزي=تهشمت سواة هشم القزازي
أون مالي بالبشر من يعزي=مذبوح قلبي ما حصل لي تعازي
عزاه يا قلبي من الوجد عزي=حظك بولفك خط معك متوازي
مرت سنين الحب فيك متوزي=حِرم عليك الوصل والهجر جازي
الدم يغلي والمواجع تحزي=في داخلي بركان من قهر غازي
الوقت يحداني وحظي وعجزي=مقدر أغير وضع بالقلب فازي
البعد وظروف الزمان الموزي=عوايقٍ(ن)تسببت بإحتجازي
مشاعري يا قلب تحتاج فرزي=متشابكة والزين راس البغازي
ودي و ودي والهواجس تلزي=الحلم كنه من جبال الحجازي
العمر كله خلف الأحلام أغزي=اللي حدتني دونهن الروازي
ما نلت منها غير ياليت مزي=تدري بحالي بعدها وإعتيازي
صح المثل أحرقت بالهم رزي=وأنا أشهد إن الحب للقلب نازي
يغلي مثل ميٍ(ن)تولاه قزي=الشوق والحرمان للنار غازي
عزي لقلبٍ(ن)هزه الوجد هزي=خلف الضلوع العوج فيه اهتزازي

صح لسانك

تقبل مروري،،،