اللي يبيني لأجل عذبات الأشعار=اليوم بعلن للقصيد إعتزالي
واللي يبيني لأجل رجحات الأفكار=أنا على عهده عقيد الرجالي
ماني متغير كود رادن الأقدار=والعمر يفنى والبشر للزوالي=
واللي يبيني لأجل حلوات الأسفار=خلاص أنا حطيت عنها رحالي
مليت منها عمر من دار في دار=ما عاد باقي دار تشرح لبالي
العمر واحد مالنا عشرة أعمار=مضى كثيره بين مرٍ(ن)وحالي
ما فات مات وصعب ينعاد ما صار=والله يعلم وش بقا من ليالي
لو كانت الأحلام لا زالت كبار=مير العمر يركض ويا هم لالي
نويت أغير وجهتي وأرفع شعار=ما فيه اخير من التقى والحلالي
بقضي بقيا العمر في صوم وأذكار=يا عل يغفر لي رفيع الجلالي
أسلم من التعذيب في واهج النار=برحمة كريمٍ(ن)يلطف بضعف حالي

كلام من ذهب قرات
ياخي العزيز
مساء الشوق والنور...