نامت عيون البشر إلا عيوني انا=معشوقةٍ(ن)للسهر لين أيبس رموشها
احيان اواصل شهر ما ذقت طعم الهنا=ما نلت غير القهر وأحلام ما أنوشها
كني أدوس الجمر والفكر ما يسكنا=بالقلب طيف إستقر النفس بيشوشها
بين الظهر والنحر جحيم جا له سنا=أحرق عروق المنا هدّم لي اعروشها
أتعبت قاف الشعر شيلة وردح وغنا=بالحل وإلا سفر أدهشت مدهوشها
ضاعت ليال العمر غصن الغرام إنثنا=ما عاد ينفع صبر أيام بنحوشها
الحظ لونه غبر أهدى لروحي عنا=أحوال فيها عبر مالم مطشوشها
تضحك وتخفي غدر واللي خفي العنا=تدفع بنا للقبر ونمجد انعوشها
ياليل هات الخبر عن حظي الأرعنا=طير لنومي وفر والطير بعشوشها
ياليل هذا قدر وإلا عيوني أنا=معشوقةٍ(ن)للسهر لين أيبس رموشها