يا سنين الغرام اللي مضت حاليه=ليكِ(ي)مثل ما كنتي علي ترجعين
يمكن تزين فيني بعض الأشكاليه=بعد ضيقة بصدري قاسية ما تلين
لن رجعتي جميع الهم ينزاليه=لو عيوني تشوف الزين ماصار شين
يا وليف المشاعر كيف الأحواليه=مرت شهور عقب شهور ما تنشدين
عقب وصلك علامك تقطع وصاليه=لا خبر نسمعه عنكِ(ي)ولا ترسلين
إنتظاري ممل ووهجركِ(ي)طاليه=ليش بعد الوصال الزين لي تقطعين
صابني يأس عقب حلوم وأماليه=يا عسى ما خلاف بغيبتك يالخدين
كل شيءٍ(ن)يهون إلا زعل غاليه=يزعل الكون كله ولا تزعلين
عندي أهم من روحي ومن ماليه=في قديم السنين وفي جديد السنين
دون كل الأحبه عندي مواليه=لين روحي تلاقي خالق الثقلين
أولة ما تعودي بالهوى تاليه=مالكة للمشاعر بالحشا تسكنين
يعزف القلب لأجلك عذب مواليه=داخل القلب أحسك ياغلا ترقصين
ذا قصيدي من الوجدان مرساليه=يأصلك مع حمام الشوق في كل حين
يا سنين الغرام اللي مضت حاليه=ليكِ(ي)مثل ما كنتي علي ترجعين