يا راقدٍ(ن)ليلك وللحين ما قمت...=وانا طوال الليل سهران واعي...
ليتك كمايه عدة ليال ما نمت...=يمكن تحس بحرقتي والتياعي...
كل ما غفت عيني بخلي تحلمت...=وإلا من التفكير زاد الصداعي...
الليل كله فوق مركاي حكمت...=كفي بمسباحي مسوي نزاعي...
أسج هاجوسي لشعري تظلمت...=من عقب خابت للوصال المساعي...
باقي مواصل للسهر لو تندمت...=طول السهر ما عاد له أي داعي...
يالليل بعد العين من نومي أحرمت...=بفرد على بحر القوافي شراعي...
بغازل لطيف الغضي لن تكلمت...=فديت راعية العيون الوساعي...
طيفه ليا من زارني فيه سلهمت...=ودي أضمه فالحضن بالذراعي...
من حشمة الغالي بعد طيفه أحشمت...=نديم ليلي في زمان الضياعي...
يا طيف بعد إنك عليّه تكرمت...=بلغ وليفي بالغرام إندفاعي...
بسهر على شأنه له القلب سلمت...=أرسم على وجه القصيد انطباعي...
عن حب غيره ما بقا من عمر صمت...=القلب ينزف والمشاعر جياعي...
ليته يعود كل ما لفني صمت...=القاه حولي للمشاعر يراعي...
وإن طالت الغيبة تراني تحطمت...=حتى الشعر ما عاد أنا بله راعي...
بهجر قصيدي لا شعرت إني إنضمت=وأقول له يا شعر حان الوداعي
يا راقدٍ(ن)ليلك وللحين ما قمت...=وانا طوال الليل سهران واعي...