حاولت أصحي بالغلا غفوة الشوق...=لكن سبقني بالمنام وتغطا...
ماني على باله ولا هو بمحروق...=لو كنت في باله يجي بيتمطا...
الصبح يسرقني وفالليل مسروق...=وأنا غرامه في خفوقي مغطا...
غديت له بالعشق خازن بصندوق...=يأخذ منه ما يشتهي مير ما أعطا...
الليل كله غالي الصدر مطبوق...=قلبي لحلم الليل شاله و وطا...
أساهره لين الفجر فج بشروق...=أغط هم الليل والهم غطا...
أناظر الساعة وأغني لطاروق...=كل ثانية أقول:ما راد وأبطا...
ياليل وينه كامل الحسن والذوق...=حطيت تحت إسمه من الشوق خطا...
أسهر على شأنه حلا النوم ما أذوق...=أبطى غيابه حيل ياليل وأخطا...
ياليل خبر صاحبي قول برفوق...=هجره وصده حيل ياليل شطا...
ما عدت بقدر صبر والقلب مخنوق...=والشوق يشرط غالي الروح شرطا...
إن كان ما جاني ترى البوق بالبوق...=بهجر غلاه بدون قيدٍ(ن)وشرطا...
ماني مصحي للغلا بغفوة الشوق...=دامه سبقني بالمنام وتغطا...