لبيه يا بارقٍ(ن)من ثغر خلي برق=ولبيه يا سحر باين بالعيون الوساع
ولبيه ياللي بالمحبة نطق=لبيه يا شمس ترسل للمشاعر شعاع
لبيه يا مبسمٍ(ن)شابه للون الشفق=لبيه ياللي حياتي قبل أعرفه ضياع
لبيه يا صدر زامي ولبي عنق=يزهى بنادر جواهر تشترى ما تباع
لبيه يا زهر وردٍ(ن)فاح ريحه عبق=لبيه ياعطر باريسي وزبدٍ(ن)مماع
أرقيك من شر حاسد برب الفلق=يا من على القلب يأمر وفورا يطاع
وأرقيك من شر حاقد بمنهو خلق=إرتاح وإترك لروحي تخدمك بالصراع
أنا ونبضي على شأن الغلا في سبق=أخاف يزعج حياتك لو عابر صداع
من طلعة الشمس لين يحين وقت الغسق=تبحر بفكري وحلمي للمراكب شراع
أسهر مع أطياف حُسنك لين صبحي شرق=الليل يمضي ثقيل وعايشه بإلتياع
هواك كل المشاعر من حياتي سرق=ينبض خفوقي بحبك يا حسين الطباع
سلكت من شأن عينك لكل الطرق=مشاعر الروح عطشى تستغيث وجياع
ترجي وصالك وجودك يا ذكيٍ(ن)لبق=ماني مكلف عليك أطلبك بالمستطاع
لبيه لا قلت لي:الحق وحظي لحق=يشرب من أقداح وصلك بدون امتناع
لبيه يا بارقٍ(ن)من ثغر خلي برق=ولبيه يا سحر باين بالعيون الوساع