الهنوف اللي يخبث خاطري زعلها=أنكد أيامي ليا من شفتها زعلانه
صرت واحد من وسط عربانها وأهلها=فرحتي لا شفتها مرتاحه وفرحانه
يالله اتضفي عليها الستر في محلها=لو روحي يابشر بأسبابها هيمانه
المحبة بيننا حبل الهوى وصلها=لاني بنادم ولا روح الغلا ندمانه
من سنين أرواحنا شوق الهوى دهلها=صارت لقلبي حياه ومالكه سلطانه
ما يخالج خافقي حب وغرام إلا إلها=فاتنة للقلب لكن ماهي بفتانه
لا تمايل عودها في مشيها ابمهلها=تسرق قلوب الرجال الغروة الريانه
رائعة في لبسها في عطرها بكحلها=يا فديت خدودها وعيونها النعسانه
راقية في ذوقها في قولها وعملها=ما شغل قلبي سواها بالنساء إنسانه
شامخٍ(ن)مثل الرواسي طبعها وأصلها=ما تلين إلا معي مثل غصين البانه
القصائد كلها من شأنها بقلها=دام روحي في هواها هايمه طربانه
ملهمتني للقصيد أقولها وأرسلها=القصائد في غلاتي جزله ومليانه
الهنوف اللي يخبث خاطري زعلها=أنكد أيامي ليا من شفتها زعلانه