ياطير ياللي على روس الشواهق تحوم=بالفكر هاجوس حام
تقضي لزومك بلا عايق بوقت اللزوم=كل شيء عندك تمام
قربت عند النجوم ولا وصلت النجوم=وشلون وجه الرغام
ياطير كثرت على قلبي جروح وهموم=تطعنه مثل السهام
قرب شويه واخذ مني رسالة علوم=معها تحية سلام
وإلا تجمل وسلفني جناحك ليوم=بروح وأرجع قوام
بزور خلٍ(ن)بعيد الدار منه محروم=عهدي بها قبل عام
ما عاد شفت الغضي إلا بطيبف وحلوم=تاتي بوقت المنام
من حبه القلب كنه فيه نار السموم=تحرق عروق الغرام
حظي بقسم الهوى من خايبات القسوم=ياطير والله حرام
والله يلوم الذي في حب مثلي يلوم=يا حلو فيه الملام
حبيب قلبي عن الزلات دوم محشوم=من ناس عندي حشام
والله ما أنسى غلاته يوم ياطير دوم=حبه لروحي وسام
أذكره عند الصلاة وصائم وبالقدوم=بين الحجر والمقام
أذكره وقت السفر من فوق سحب الغيوم=حبه عنا مستدام
يبقى معي لين من بطن المقابر نقوم=يوم البعث والزحام
يالله تجمع لشمل فراقنا يارحوم=والعفو منك الختام
ياطير ياللي على روس الشواهق تحوم=القلب شافك حام