يا صاحبي عساك للجنه=وينك عسى ما بأس يالغالي
شهرين ما رنيت لي رنه=غيبتك عني مشغله بالي
الشوق جا له بالحشا حنه=حنة خلوج بيدها عقالي
أتابع الونات بالونه=شيبت فيَّه يا بعد حالي
يالمزنه اللي بأوسط الكنه=متى سحابك يروي جبالي
تسقي من الساحل ليا القنه=يالمزنه اللي نوها عالي
خيرك سقا غيري بلا منه=وأنا تعصف الريح برمالي
برق ورعد متوالي الدنه=وأربع سنين السيل ما سالي
محموس قلبي حمسة البنه=كني على جمر الغضا الصالي
أقرع كما ما تقرع الشنه=في عاصفك مقفا ومقبالي
أحسنت فيك الحدس والظنه=سلمتك الخافق ولا أبالي
سنيت لك من نابضي سنه=سنة وفا بعهود رجالي
لو الرماح ايجي لها خنه=يبقى غلاك لقلبي موالي
مهما يطول البعد والهنه=عندي عزيز بكل الأحوالي
يا صاحبي عساك للجنه=وينك عسى ما بأس يالغالي

هطول حرفك عاصف بعذوبة فائقه


ماشاء الله تبارك الله
نحن على يقين عند رؤية قصائدك بان الجمال سيستقبلنا
فشكرا لهكذا روعة وابداع ودمت بخير وسعادة
صح الله السانك
وعتلا شانك وجزاك الله خير
في انتظار عذب جديدك