سلام يا دارٍ(ن)بها اللي يستحق انا نسلم=لولاه فيها كان عزينا عن الكل السلام
الصاحب اللي تشرق الدنيا ليا منه تبسم=مشغل لقلبي من سنين طوال في صحو ومنام
كل ما ضجعت لمفرشي أشوف طيفه واتحلم=أشغل لفكري بالهواجس والأماني والحلام
القلب ما بيني وبينه كن دقاته تقسم=والشوق واحد ما يبي غيره ولا فيه انقسام
أحب شوفه وأسمعه وأنصت ليا منه تكلم=كن الحروف تضيع مني وأتلعثم بالكلام
من فرحتي لن شفت زوله أنجذب له وأتقدم=ما كني إلا سهم رامينه من أقواس السهام
مشتاق اقل له كيف حالك كيف حالك وأتعشم=ايقول لي يا مرحبا محروق من نار الغرام
وإن قالها بقول له ما جئتك إلا كنت مغرم=لولا غرامك ما شكيت من المواجع والسقام
كرمان لعيونك تعبت وجئت والمحبوب يكرم=جئتك على العهد القديم وجئت بطباع الكرام
مشتاق أشوف المبسم اللي ساتره تحت الملثم=ما غيرت لونه سمايم صيفنا تحت اللثام
ومشتاق أشم العطر لا من فاح من جنب المزمم=اللي زها به قبل عشر شهور محظوظ الزمام
ومشتاق تحضني على صدرك مثل طفلٍ(ن)تيتم=أبوه وأمه من دقائق ودعوهم بالرغام
ومشتاق أضمك فوق صدري وأتهنى وأتحكم=سواة من دخل سباق وفاز وأعطوه الوسام
من لهف مابي ودي ضلوعي من الضمة تحطم=لعلها تنهي مواجع شوق لن راحت حطام
وإن ما حصل ما نرتجي ماجور يالقلب المتيم=كثير بالدنيا نهايتهم من أسباب الهيام
برحل مثل ما جئت بأحلامي كسيرٍ(ن)ومتندم=سلام مني بالقدوم ومثلها عند الختام
سلام يا دارٍ(ن)بها اللي يستحق انا نسلم=لولاه فيها كان عزينا عن الكل السلام

المشاركة الأصلية كتبت بواسطة مخاوي الذياب (المشاركة 172414) صح لسانك مليون ولا يكفون طاب لي اكون اول من يرد احترامي

المشاركة الأصلية كتبت بواسطة دليل القوافــل (المشاركة 172418) ما اجمل الشعر الأصيل صح لسانك مليون ولا يكفون ابداع في ابداع تقبل التحية

المشاركة الأصلية كتبت بواسطة الحر النادر (المشاركة 172420) صح لسانك واعتلا شانك ابدعت وامتعت لله درك

المشاركة الأصلية كتبت بواسطة علياء (المشاركة 172422) تسلم الايادي روووعة ربي يسعدك يا رب

المشاركة الأصلية كتبت بواسطة عساف الأصائل (المشاركة 172424) صح لسانك واعتلا شانك ابداع غير مستغرب تقبل التحية

المشاركة الأصلية كتبت بواسطة الرقيب (المشاركة 172425) صح لسانك وبيض الله وجهك ابداع متجدد خالص التحية

المشاركة الأصلية كتبت بواسطة فارس الأحلام (المشاركة 172450) دام نبضك وابداعك صح لسانك قصيدة شامخة بحجم هامتك الشعرية

المشاركة الأصلية كتبت بواسطة سهام الحب (المشاركة 172452) قصيدة رائعة صح لسانك يالغلا وعتلا شانك يعطيك الف عافيه ودي والتحايا

المشاركة الأصلية كتبت بواسطة نجم العرب (المشاركة 172474) صح لسانك مدد ماهو عدد ابدعت كعادتك خالص التحية

المشاركة الأصلية كتبت بواسطة اميرة الشوق (المشاركة 172477) صح لسانك وسلم بنانك ابدعت ربي ما يحرمنا من قصائدك

المشاركة الأصلية كتبت بواسطة ندى القوافي (المشاركة 172486) صح نبضك رووووعة ربي يعد ايامك ويحقق احلامك

المشاركة الأصلية كتبت بواسطة فارس نجد (المشاركة 172585) لله درك يا استاذ الشعر ابداع غير مستغرب صح لساااااااااااااااااانك