تمنيتك تسامرني ليا قبل الفجر بشوي=تسولف لي عن أحوالك وتعرف شنهي أحوالي
ليا منك حضرت الليل ما يحتاج غيرك ضي=وأنا ماني بحاجة غيرك ايسامرني قبالي
لكنك غبت ما شرفتني بمشاهدك يا خي=قضيت الليل كله جالسٍ(ن)بالغربة لحالي
أصارع للهجوس اللي تسوي شيء من لا شي=تزين لي حلومٍ(ن)مالهن أول ولا تالي
تصور لي سرابك في صحارينا سحاب ومي=وأسج الروح في طرد السراب وخابت أمالي
أشوف الحال قام يشين يا شين الزمان السي=يعاندني زماني والظروف تزيد غربالي
بعد ما غبت عني ما يبردني شراب وفيّ=مواجيع الوله تطحن بقلبي طحن الأهوالي
ليا هاج الغرام بخاطري صفقت له بيدي=من الحسرة على ما صابني في عمري البالي
مياسيم الهوى والشوق تكوي في ضلوعي كي=وقايد لاهبة ما كان تخطر لي على بالي
لكني بتصبر دام حبك في عروقي حي=على شأن الغلا يرخص لعينك عندي الغالي
لعل الله يجيبك تنجض لزاد القلوب الني=تداوي علتي من جرح حبك يا بعد حالي
رجاوي فيك مد الجود وإلا ياحبيبي عي=غرامك راسخٍ(ن)بالقلب صعب بحال ينزالي
شمخ حبك بقلبي مثل برجِ(ن)شامخٍ(ن)بدبي=مشاعر روحي تحصنه عن هزة و زلزالي
تمنيتك تسامرني ليا قبل الفجر بشوي=تسولف لي عن أحوالك وتعرف شنهي أحوالي

المشاركة الأصلية كتبت بواسطة ملك القلوب (المشاركة 171597) صح لسانك يا شاعرنا واستاذنا وشيخنا دائما تتحفنا بقصائدك

المشاركة الأصلية كتبت بواسطة عبدالرحمن عويض المسعودي (المشاركة 171599) صح الساااااانك يابن هليل ويعطيك العافيه احترااااااااامي

المشاركة الأصلية كتبت بواسطة ابن عميش (المشاركة 171614) صحيت وسلمت ياشاعرنا المميز بيض الله وجهك نقش ذهبي مميز ورائع لك التحيه والتقدير

المشاركة الأصلية كتبت بواسطة نجم العرب (المشاركة 171616) صح لسانك مدد ماهو عدد ابدعت وامتعت تقبل التحية

المشاركة الأصلية كتبت بواسطة ذئب الطائف (المشاركة 171618) صح لسانك وفيت وكفيت لا هنت خالص الاحترام