لا تقولي ليش شعرك مختلف ما هو بعادي=كيف شفتي لي خلافي ما عرفتي وش خلافك
اختلفتي واختلف فكري وغير في فؤادي=واختلاف الشعر يا المضنون سببه اختلافك
القصائد صارت بوجهين ولحونٍ جدادي=قاف يرقص في فرحك وقاف يبكي من عيافك
وضعنا ما هو كما ما كان يا غض النهادي=المشاغل نصب عينك والهوى عود خلافك
يوم كنتي لي قريب كان سهل لك إنقيادي=والعشيه لا بعيد ولا قريب يا حسافك
لونك الوردي تغير صايرٍ(ن)شبه الرمادي=والمشاعر باهته ما عاد تدفع لإنجرافك
كان عدتي مثل ما كنتي جميل الشعر عادي=والمشاعر من شتا الهجران يدفيها لحافك
وإن تماديتي بصدك ما لكِ(ي)غير التمادي=صده بصده ومن عفتيه بنت الناس عافك
لا تحسبيني على قول المثل هين قيادي=ماني اللي يتبعك لن بان بالدرب إنحرافك
والله إني ما الحق المقفي عزيزات الجيادي=دام وضعك مختلف للعين بينت إنكشافك
مقبل الأيام يكشف لك بياضه والسوادي=وقتها بيبان وضعك في صمودك وإرتجافك
حين ما تعرف قراري في رحيلي وإبتعادي=تدرك إني ما رحلت إلا بعد ما القلب طافك
بالنهاية ودي أمزح معك يا غاية مرادي=والله إني لو بيدي كان دبرت إختطافك
يا عديل الروح وأغلى من صحاب ومن بلادي=يا هني منهو بعينه ياغرام الروح شافك
والله إنك غالية وأغلى مخاليق وعبادي=القصائد ما تزين إلا ليا غنيت قافك
فيك سحري والك حبي وأعشقك رايح وغادي=ما يروق البال لين أذكر مفاتن في وصافك
سامحيني يا غناتي كان زعلك إجتهادي=الغرام اللي سطا في شاعرك وكاد لافك
سامحيني والك مني زود تقبيل الأيادي=المشاعر ما تغير لا يكون الشعر أخافك!!!
والله إنه ما يهون أزْعلك يا وردي وكادي=ما عرفت بطعم عمري لين فيه القلب أضافك
من عرفتك صرت للشعار زيزوم وقيادي=والقصيد يزين لا منه بمعناه استضافك
الهوى ماهو بعادي والشعر ما هو بعادي=بعد شفتي لإختلافي ما عرفت أنا خلافك

المشاركة الأصلية كتبت بواسطة عبير الشوق (المشاركة 170082) لا تقولي ليش شعرك مختلف ما هو بعـادي كيف شفتي لي خلافي ما عرفتي وش خلافك اختلفتي واختلف فكري وغيـر فـي فـؤادي واختلاف الشعر يا المضنون سببه اختلافـك القصائد صارت بوجهيـن ولحـونٍ جـدادي قاف يرقص في فرحك وقاف يبكي من عيافك حقاً شِعر مختلف وماهوب عادي إحساس .. صور .. عذوبه .. معنى صح نبضك استاذي وألف لافض فوك

صح بدنك ولا هنتي سعدت بحضورك الكريم

وردك العذب