بعض البشر يا ناس ما حد يمله=والبعض علة في كلامه يغثيك
وبعض البشرمقبول كثره بقله=والبعض من نظرة يكدر مصافيك
وانت الوحيد اللي له الود جله=مقبول عندي بالخطأ من حكاويك
يا تاج فوق الراس يا سيف اسله=واضرب به الاوغاد او من يعاديك
يا ذاك هاك القلب فكه وحله=وانظر مكانك وين .! في قلب مغليك
بنيت لك بين الشرائيين فله=تسرح وتمرح كيفما كان يرضيك
غالي ولك روحي وقلبي تشله=بااغلى من الدنيا عسى الله يخليك
يا نبض قلبي يا دواء كل عله=ارخصت لك عمري وبالروح افديك
لك منزلن ممنوع غيرك يحله=وتقدير لك دايم يجلَك ويحميك
نبع الوفا وانته عزيزي تدله=وغير الوفا مني فلا يمكن ايجيك
هذاك ابو وضاح ملك بكله=والعذر لو قصرت يا صاحبي فيك

المشاركة الأصلية كتبت بواسطة binhlailبن هليــل (المشاركة 163368) صح لسانك يا طارق ابدعت لا هنت وفقك الله خالص تقديري

المشاركة الأصلية كتبت بواسطة الرقيب (المشاركة 163369) صح لسانك واعتلا شانك رائعة موفق

المشاركة الأصلية كتبت بواسطة أسد العرب (المشاركة 163374) صح لسانك وفيت وكفيت وفقك الله

المشاركة الأصلية كتبت بواسطة البدوي (المشاركة 163376) صح لسانك وفيت وكفيت لله درك تقبل التحية

المشاركة الأصلية كتبت بواسطة عاشقة القوافي (المشاركة 163380) صح منطوقك طارق رووووعة ربي يسعدك

المشاركة الأصلية كتبت بواسطة الصقــار (المشاركة 163391) صح لسانك وافية من وافي تقبل صادق الود

المشاركة الأصلية كتبت بواسطة عبدالرحمن عويض المسعودي (المشاركة 163392) صح السانك ياطارق ويعطيك العافيه تحيااااااااااااااااااااااتي

المشاركة الأصلية كتبت بواسطة ابن عميش (المشاركة 163407) مبدع ومميز دوما ياطارق الله يعطيك الف عافيه على هذه القصيده الراقيه والمميزه سلمت يمينك على هذا النقش لك التحيه والتقدير