ياكثرخلان الرخا مثل ماقيل = وانا اشهد ان التجربه خير برهان
وقت الرخا كل المعارف رياجيل = والكل منهم يعتزي لك وسلطان
وعند الشدايد ماتحصل محاصيل = يطلع من الخمسين واحد بليهان
يشيل معك الحمل مايضيمه الشيل = يرضى رضاك وينزعج وانت زعلان
واللي مثل هذا قليل بهالجيل = ادره مثل عينك لصكات الأزمان
ووقف معه بالمال والجاه والحيل = لحتاج لك لاتدخر جهد يافلان
وباق المعارف للسمر والتعاليل = ومن دون قلبك هرجتك بس بلسان
وخلك حذر وفطن لحبل المحابيل = غلطان ياواثق من النذل غلطان
والميل لاتميله ولاتقبل الميل = اللي يعشق الميل لابد ينهان
وخلك كريم اسبال لايقال يابخيل = يجيك زود من الكرم ماش نقصان
ترا الكرم يستر عيوب الرياجيل=قبلي ترا قالوه ذربين الايمان

المشاركة الأصلية كتبت بواسطة طارق العبيدي (المشاركة 159184) الشاعر رداح البيضاني صح لسانك واعتلا شانك قصيدة مليئة بالحكمة والموعضة درر منثورة على ضفاف الكلمة اتقنت نظمها بخبرة شاعر وتجربة ماهر لك جل ودي وتقديري

المشاركة الأصلية كتبت بواسطة نور الدنيا (المشاركة 159208) كلمات كانت بقدر قوتها وصدقها راقيه ورائعه سلمت الأنامل التي سطرت هذا الأحساس الشجي لقد أبدعت بهذه السطور تميزتى بهذه الأحااسيس كل حرف ينطق بحكمه وكل عباره لها عبره كتبت فأبدعتى دام نبضك وأختيارك ولك أجمل تحياتى

المشاركة الأصلية كتبت بواسطة ابن عميش (المشاركة 159210) رباح البيضاني صح لسانك على هذه القصيده المليئه بالحكم والدرر الثمينه بيض الله وجهك وجعلك دوم على القوة والى الامام ونحن بشوق الى مثل هذه النصائح والحكم الراقيه لك اجمل تحيه

المشاركة الأصلية كتبت بواسطة عثمان الثبيتي (المشاركة 159212) صح السانك يابو وليد وبيض الله وجهك

المشاركة الأصلية كتبت بواسطة دليل القوافــل (المشاركة 159228) صح لسانك جزلة من جزل تقبل التحية

المشاركة الأصلية كتبت بواسطة ذيبان (المشاركة 159233) صح لسانك وافية من وافي ابيض وجه