يا بنت أنا ماني مثل باقي الناس=ولا كل شي أشوف يملى لعيني
القلب فينـي للغنـــادير حســاس=والعقل حائل بين قلبي وبيني
أنا أحتــرق ســـواة بنٍ بمحمــاس=فـوق الجمـر ونحـركـه باليـديـن
وليا استوى فنجالها يقعد الــرأس=واللــه على مـرّ الليـالي يعيــنِ
وليا بغيت أخذ من النـاس جـلاّس=دورت فيـهم أطيـب الطيـبين
وليا بغيت أقنى من الجوهر المـاس=ومن العلوم أعز شي لـــديني
ومن المواتر مركبي شبح وأجماس=ومن المحاجي كل حصـن حصينِ
ومن الطيـور أعـزها طيـر قرنــاس=ومن المواشي كل شي سمين
ليا بغيت أعشق من الخيل الأفراس=ومن العـذارى كل ريـم فطيــنِ
اللـي ليــا قربتهــا ريـح الأنفــاس=أطيب من العنبر مع الياسمين
وليا نظرت إلهـا تقــل بـدر قبّــاس=شعــاع نـوره ساطـع بالجبـــين
وعيونهــا نجـــل تناظـرك نعّــاس=وصوت رقيق وبسمة الساحرين
وشعر ليا فلــه تقل ليل خرمــاس=وفـم تقـل إنـه جمــر مشـعلين
من الخجل وجهه من الدم منحاس=حمـرة بيـاض وصـفرة الخائفين
من كل شي وشي فيهـا بمقيــاس=عز وشكل وأخلاق شوق وحنيـنِ
تحفظـك في غيبتك عن كل دنــاس=وتفرّحك من كــل زيــن يــزين
ارق من نسمة ليــا هب نسنــاس=وأنصع من ألوان البياض المبين
أحب من طعم الشفاء بعد الأوقاس=وأحن لك من لهفة أم الجنين
ذيك الدواء لكبود عطشى ويبّـاس=ذيك التي أفخر بها في سنيني

---

مشكور على هذه الرائعة

تقبل

مروري المتواضع

---

المشاركة الأصلية كتبت بواسطة عذبة الالحان (المشاركة 23187) بن هليل تحتار عبارات الثناء عن تلك الكلمات المرهفه وتخطو مسالك تلك الكلمات الشموخ والعزه قصيده تتضمن محتواها كبرياء هنيئا لك بذالك الابداع وذالك الشموخ تقبل مروري ياشاعرنا