سلام الله سلام الشاعر اللي جا على الميعاد=من أرض الطائف المأنوس جا لارض النعيريه
دعاني بو خلف قلت الله الله مابها مقعاد=رفعت الهاتف المحمول لخطوط السعوديه
أنا مالي عذر من مثلكم يامعرًب الأجداد=ألبًي دعوة رجال الوفا واهل الشهاميه
فرحنا من فرحكم يانبا بمناسبة فهاد=عسى الفرحه بعدها أفراح بأموالِ وذريه
صداقتنا ثلاث عقود مرًت والسنين جداد=على مر الزمان تزيد والله يصلح النيه
ترا ذا الليل عيداً بالسنه هو ثالث الأعياد=أقابل ناساً إلهم بالصدر حب او محنًيًه
صداقه مع رجالاً ماجحدنا ملحهم والزاد=صناديد آل عاصم معرفتهم مفخره ليه
قبيله كل منهم شيخ له قول وفعل وامجاد=لهم تاريخ يذكر بالشجاعه والفروسيه
إسمهم يذكر وراياتهم ترفع على الأشهاد=ونا من عزوةِ وقفاتها دايم بطوليه
رجال ثبيت ساس البيت لعتيبه جبال أوتاد=من العارض الى الحره الى حد الجنوبيه

المشاركة الأصلية كتبت بواسطة قوي البخت (المشاركة 154057) جزلة من جزل صح لسانك موفق

المشاركة الأصلية كتبت بواسطة عثمان الثبيتي (المشاركة 154061) صح السانك مدد بلا عدد يابو محمد