عرش قلبي يرتجي ماهو مقفّـل بابـه=لو دخلتي صك بابه وأنكسر مفتاحه ..!!
ياحلا حِلّي ترى همّـي زرع لـه غابـة=شوك طاعن من قسى يانبتة التفاحة ..!!
وا عذاب الشوق شبّت ناره الشبابـة=والجمر قلبي وعرقي , والدمي فواحة ..!!
ضاع طبي والبلا كلٍ يعرف أسبابه = والربيعة مايشافي قلب زاد جراحه ..!!
جرني شوقي عليك وكل ضلع أرقابه = ومن يصد الشوق عنّك قد نويت أجتاحه ..!!
الغرام اللي جمعنا مابقي لأصحابه = والعتب يم السنين اللي غدت سفاحة ..!!
يانسيم الليل خبر خافقٍ بأطنابه = عن هواه اللي رماه بصدته ورماحه ..!!
ذيك من هي في الهوى بعيونها لعّابة = لو دنت مني وجتني ذقت طعم الراحة ..!!
عرش قلبي يرتجي ماهو مقفّـل بابـه=لو دخلتي صك بابه وأنكسر مفتاحه ..!!