أشد من طعن الخناجر بالأكباد=فرقاك ياللي كل ما بي يوده
واحلا من الفرحة ليا هلت أعياد=شوفة حبيبٍ(ن)ماهقيت بمرده
لقيا الوليف بدون ترتيب ميعاد=كل هم عالق بالمشاعر يهده
أنسى العنا والهم وأوجاع وسهاد=ترحل هجوسٍ(ن)بالزمن مستبده
لكن متى ياحظ بتكون منقاد=وأفرح بحيٍ(ن)كايد الحال بُعده
ماشاقني غيره بالأقراب وبعاد=ولا لي بغيره رغبةٍ(ن)رِحم جده
أوقفت له قلبي وحبي والإنشاد=بيحت له سدي ولا بحت سده
زرع غلاه بخافقي والغلا جاد=وأوفيت له بالحب حره وبرده
كل يوم أحس الحب والشوق يزداد=بين الضلوع ونبض قلبي يعده
لا زارني طيفه يجيني تنهاد=هليت باسمه والمشاعر تشده
محال نسيان الغلا سهو وعماد=دام الفكر باقي وللروح شده
بُعد المكان وظرف الأيام ما فاد=حتى العذارى حسنهن عجز ضده
صحيح بالزينات حلوات وأجواد=لكن قلبي مالقا حُسن قده
مالي مرامٍ(ن)غيرها في بني ضاد=غرامها قلبي كفايه يسده
يا منتهى حلمي عسى العيد ينعاد=وأعايد لطيفك ولا أمل طرده
حتى لو إن الوصل صادم له أضداد=أنتي بحر حبي وجزره ومده
أشد من طعن الخناجر بالأكباد=فرقاك ياللي كل ما بي يوده

صحت الأبدان والقلوب


لا عدمتكم



تقديري للجميع