طرقت بيبان الهوى .. قصدي أدور لي حبيب = من قبل عشت اعوام مانعرف رموز كتابها ...!
الحب صدفه رميّت النيشان تخطي ثم تصيب =ونكان ماضاق الحبيب يضيق قفل ابوابها ...!
مالاح برقٍ واشتعل يعرف مخايلها القريب = ابيع عمري لجلها لوكان هي ترضابها ...!
والعين ممّا شافته... عزالله المرجع صعيب = والنفس مهما صار ماترضى تذل احبابها ...!
لا طارت سنين الهوى(تبدي على بيت الغريب ) = أحسب دقايقها ولكن مايمل أحسابها ...!
لعبة جفا بيد المحبه من صحيب اليا صحيب = تبقا ولا تفنى عليك اللوم يا كتابها ...!
أكيد لي رحله مع الايام ف الدرب الصعيب = واجوز عن ديره ومن ديره افل احجابها ...!
أكسب معاليق الجفا لوكان بسبابي تغيب =المشكله في راع الدله وفي شرّابها ...!
عيب الزمن يفرق مابين احباب ويرد الطليب =يم المهاجر عن ديارٍ عايٍش بترابها ...!
ضيقة جفا تبقى مع الايام فكفوف الذهيب = عز الله أنه جابها شيل الحمل ورقابها ...!

صح السانك يا منصور

قصيدة جزله والجزل طبعك