يالله تعوضنا بنايف وسلطان=والأمر كله والتدابير لله
يارب ياعالم بخافي وما بان=يا مطلع بالأمر دقه وجله
ياعلهم في روض جنة وريحان=في ظل عرش الرب ياطيب ظله
ياخادم البيتين صبراً وسلوان=حنا معك بالهم مثلك نشله
كانوا سند للحكم ودروع وأخوان=وأنا أشهد إن مفارق الأخوان عله
بالذات لا صاروا كريمين شجعان=ما تشتقي بالعلم بعضه وكله
هذا قدر والعبد في حكم رحمن=ماشي على المخلوق في كل مله
صحيح فقد إثنينهم حيل خسران=على الوطن لو كان ما جاي خله
دامك بخير وحولك شيوخ فرسان=يجي مكان الشيخ شيخٍ(ن)محله
الله يديم العز لزمان وأزمان=للأسرة اللي كل صعبٍ(ن)تحله
الشعب والحكام تنعم بالإيمان=في ظلكم واللي جهل به تدله
إنسان مايدفع مقادير لإنسان=العمر واحد والمنيا مطله
الله يعوضنا بنايف وسلطان=والأمر كله والتدابير لله