يالله يالله ياللي عالمٍ(ن)بالشر والخير=يامطلع للسراير كلها ما سر يخفاك
الليله الليل غير وهاجسي ياهاجسي غير=ذكرت حيٍ(ن)بعيد ليا ذكرته جاني إرباك
أخر عهد يوم جاني للسلام بحزة عصير=عشر دقائق وأخذ قلبي ثمنه بكلمة أهواك
هليت به والمشاعر داخلي مثل الأعاصير=رد التحية وفداني وقلت:الروح تفداك
يافاتن الحسن ياللي نادرٍ(ن)بين الغنادير=يفداك حالي ومالي كلها فدوه لعيناك
جئيتك مسير وأنا من خلقتي نادر مسايير=من دون مدري لقيت القلب فيني يطلب رضاك
من يومها كل ليله والعقل ملعب تفاكير=أحط هذا على هذا وهذا يطرد لذاك
أرسم تصاوير وأمسح غيرها وأرسم تصاوير=ياساحر الروح كلش هان عندي غير فرقاك
هواك غالب على فكري وغالب للتعابير=والبعد زود معاناتي وعيا الفكر يسلاك
حار البصر والبصيرة بالحلول وبالتدابير=ماني بلاقي علاج لحالتي وشلون بنساك
ياليت عندي جناح أطير به وانهض كما الطير=أجيك وتشوفني وأشوف ضحكه في محياك
أجيك لو بيني وبينك متاهات ومحاذير=شوفتك عندي تساوي ماغِلي من بين الأملاك
مهما تطول المسافة بيننا وقت ومشاوير=تبقا بقلبي ملاك وحلم عمري دوم لقياك
ياعل عمرك طويل ويجتمع شمل المسافير=يحفظك ربي من الهامة ليا مخمص بماطاك
بصبر وأزيد الصبر بالصبر والتبرير تبرير=وأرفع كفوفي لربيع يحفظك بالستر مولاك
يامن سحرني بحسنه والحيا طهره تطهير=يارب تحيا بخير وتهتني دايم بدنياك
مهما تكون المتاعب من هواك البعد تصبير=عسى شبابك وعمرك ياغرام الروح يهناك
هذي مقادير ساقتني لشوفك والمقادير=ما منها من مناص بخير وإلا تجلب إهلاك
يالله يالله ياللي عالمٍ(ن)بالشر والخير=يامطلع للسراير كلها ما سر يخفاك

هلا بكم جميعا وصحت ابدانكم



سعدت بحضوركم وردودكم العذبة


لكم تحيتي

هلا بكم جميعا وصحت ابدانكم



سعدت بحضوركم وردودكم العذبة


لكم تحيتي