عامٍ(ن)مضى والشام يحرقه بشار=الشعب يذبح مثل ذبح البهايم
ياعنك هذا عار وأكبر من العار=صمت الشعوب يعَد ضمن الجرايم
ما كن يجري بالعرب دم الأحرار=ياقف بوجه الفرس سود العمايم
الفعل غير القول لو باقي أخيار=هبوا جموع ولقنوهم هزايم
لا تتركون الشام محروق بالنار=تذبح رجاله والحراير غنايم
ما عاد باقي عذر لمدور أعذار=ماصارت صقورٍ(ن)تعود حمايم
حزب الأسد ما يرحم كبار وصغار=خلا المباني فوق أهلها هدايم
يدعمه دب القطب بسلاح وأفكار=والعُرْب تشجب والهلايم هلايم
ياشام صبرك والفك دوم دوار=مافيه شيءٍ(ن)غير مولاك دايم
صبرك ياشام العُرْب ما خاب صبار=النصر من حظ اللي قوى العزايم
الله وحده من يسير للأقدار=مادام ظلمٍ(ن)من قديم القدايم
عامٍ(ن)مضى والشام رافض لبشار=والشعب يذبح مثل ذبح البهايم

المشاركة الأصلية كتبت بواسطة همسات شاعرية (المشاركة 143736) رحمة ربنا واسعة قادر كريم على تغير الأحداث والفرج قريب بإذنه تعالى صح لسانك على هالقصيدة الرائعة من حرفك المعطاء دمت بخير

المشاركة الأصلية كتبت بواسطة المستشــار (المشاركة 143739) صح لسانك

المشاركة الأصلية كتبت بواسطة المستشــار (المشاركة 143739) الله يفرج عليهم كربهم وينتقم من كل ظالم

المشاركة الأصلية كتبت بواسطة عوض بن عبيان الثبيتي (المشاركة 143747) مـا كـن يـجـري بالـعـرب دم الأحــرار ياقـف بوجـه الفـرس ســود العمـايـم صح لسانك يا ابن هليل إن الله يمهل ولا يهمل وأسأل الله ينصرههم نصرا مؤزرا

المشاركة الأصلية كتبت بواسطة طارق العبيدي (المشاركة 143750) قوية هادفة ذات رسالة سامية صح لسانك بعدد حرفك

صحت أبدانكم ولا هنتم

صحت أبدانكم ولا هنتم


أبدعتم بردوكم العذبة


لا عدمتكم جميعا

لك خالص تحيتي