يابن هليل ليش ضيفك راح ماذاق الطعام= وانته منول من رجال ماتغيض صحونها

لكن من جاور حضره في طبايعها استهام= نسي عوايدنا وحط ستارته من دونها

يا راعي الصدق أنت وشبك قمت ترمي بالكلام=أنته خوي القوم والا قصب جوف بطونها
تعاول وأذوقك ما ذاقه وأقلدك الوسام=خلف الستاير والعرب ما تلمحك بعيونها

هذا كلام الصدق قلته والحقيقه مانلام= لكن فيك القوم حدت يازعيم سنونها

من يوم هذا وضعكم قلنا على الدنيا السلام= بكره نعلم ربعك اللي تحسبك دندونها

عزا الله إن الصدق فارق يا جماعة للغلام=يا فكرتي ليش العرب ما تكهن لمجنونها
ابن حميد يترك الفطحة ويقضع بالعظام=من عينه قاضي لدعوى ما حضر مامونها

النور يبصره البصير اما العمى عاش بظلام= وام الكباير قرقعت تال الليال شنونها

انته تعرف العظم ماله غار مصقول الحسام= واللي عظامه ميته كبده تزيد غبونها

النور نور الله يا شاعر دايم لد الخصام=وام الكبار ربك المعبود كان بعونها
يا شعيل ياللي ما تدلل لا سياق ولا خطام=يكثر رغاك ليا تولتك العباد بشونها

النور نور الله وعيونك تغشاها العسام= وام الكباير كيف امانتها تروح تخونها

شعيل فالميقاف والا الدس لفروخ النعام= توحونها والا عساكم مابعد توحونها