يامرحبا في مرحبا مني وانا راعي محل= والدله ام الهيل يابتال يقفاها العصيب

لحيتك عندي غاليه تكرم ماياتيها الزلل= لكن دوك الحبل يابتال واشرب ياشريب

دام البقا ياللي ترحب بالضيوف وبالحول=وبشر بما يرضيك يا راع الصدق طب وطبيب
لحيتك لحية عاليه لو كان داخلها بلل=مدري تقاطر من دسم والا تقاطر من حليب

ماجيت ادور لي رضا من واحد مثلك خبل= تبا تطبب وانت يابتال مرضان وعطيب

اصرف جنيهات الذهب وانته تجيني بالهلل= اما اعتدل والا على جبهتك ابا اسوي صليب

أنت تبا لك عرف والا يا فتى تبا فحل=ترى الله الرحمن ما يرضى على ولد غضيب
أكبر بلاوي وقتنا لا طحت في مثلك نذل=وجهه مثل مقفاه ما يعرف مشاريهٍ(ن)وعيب

الناس ترقى للجبل وانته تحول للسهل= لكن هذا طبع فيكم يامغثربة القليب

وسمي على خدك وسمته ماانت ياهذا غفل= يبقى على مر الدهر وسم الثبيتي مايغيب

حفرت لك حفرة وطحت بحفرتك يابن نفل=الناس تخطي ثم تصيب وصاحبي عيا يصيب
يمشي على درب الجهل غاوي سواة أبو جهل=عمى العيون يهون لكن علتك عمى قليب