يا جماعة علموني وين راع الصدق وينه=له شهور مختفي مدري رضا والا غصيبه
علموني المطوع لا سها وش حكم دينه=وإن تعمد للخطأ يا عنك ضوى للمصيبه

ياجماعه علمو منهو نشد عنا بحينه= قولوا ان الرجل في داره على عزه وهيبه

ليش ربان السفينه ضيع اللي فالسفينه= ياجماعتنا سواليف الرجل هذي غريبه

مري الشرطة لقي له جرةٍ جنب الدفينه=فوق شط البحر جرة ذيب يطرد له بذيبه
السفينة ما توقف دائرة فيها المكينه=أثر راع الصدق صدقه داعسه في جوف جيبه

راعي الجره مواطن له حقوق(ن) فالمدينه= ماتعدى بالنظام ولاش فيه احد(ن) طليبه

ادري انك قلتها مماتحس من الغبينه= كل وداي تنزله ياهيه تمرح في شعيبه

راعي الجرة يقولون الشهود مشاهدينه=ما معه خنجر ولا سكين يا ربي تصيبه
وده يلم السمك والحوت كله في يدينه=يحسبن الحوت مثل الكبش يقلى في عصيبه

من مشى فالدرب الابيض نطلب المولى يعينه= والملقف ودهم تفرض على العالم ضريبه

الحلال نحلله والا الحرام محرمينه= والمريض ليا عمس فالطب يلقا له طبيبه

الدروب طوال والممشى لك الله خابرينه=أحد يمشي في نقا وأحدٍ يدور للمعيبه
الحلال محللينه والحرام مجنبينه=وأنت مفتي وشتقول بصاحبٍ(ن)معه صحيبه

دام وانك خابره بالطيب لاتبحث كنينه= والعمل بالنيه ورب الملا فوقه حسيبه

كل نفس بما تبا تكسب رهينه= مار ياراع اللبن لبنك ياالطيب غبيبه