ماهو بكافي تذبحيني بعينك=الرمش نار ليا انطلق يحرق إحراق
يا فاتني نسيت ديني ودينك=اليوم وصل الأمر تكشف عن الساق
كافي دخيلك لا تعذب ضنينك=والا تجمل طف نارٍ(ن)بالأعماق
لا تعتذر وتقول فيني وفينك=اليا نويت أجيك وأسرع من براق
تلقاني بساعات رهن يدينك=أنا وطيفك من زمن بيننا عناق
ما تدري إني صرت مثل قرينك=كلي غرام ولهف وأحلام وأشواق
اسأل مشاعر هايمة ساكنينك=تلقا الجواب إني للقياك تواق
أحلم أقبل من جنوني جبينك=وأحلم أكون الشوق ياشوق خفاق
يا منيتي ما صار بيني وبينك=من يومها الفكر مشغول ما راق
ودي أصير أحب لك من جنينك=وأخاف من جور الزمن يجلب فراق
مذبوح من نظرات رمشك وعينك=الرمش نار ليا انطلق يحرق إحراق