ياليت شوقٍ(ن)هزني تالي الليل=يدري به اللي مشغل البال ياليت
شوقٍ(ن)صعيب أوصفه بالتماثيل=لا من عثا في داخل الصدر ونيت
ونيت والأحلام يمه مراسيل=تحمل هدايا من حشا فيه حليت
حليت به يا مالك العدل والميل=زرعت به حبك وعنه تخليت
خليتني أحصد هموم وغرابيل=أسامر الأطياف مثل العفاريت
حتى طفحت مني جميع المكاييل=تمضي بي الأحلام أنا م إسقريت
أبيع وأشري وأطرح هموم وأشيل=كل ما يزيد الجرح صحت وتحديت
لأجل الغلا ماهمني كل ما قيل=الروح لو أعطيه ما كني أعطيت
كرمان لعيونه تهون البهاذيل=الموت لو يرضيه لأجله تمنيت
يكفيني إنه قال لي يوم يا ويل=يا ويل قلبي منك لن غبت وإن جيت
أهواك يانور اليال المقابيل=قدام لا تدري بودي تعنيت
ياما حضنتك بالرموش المظاليل=وياما رسمتك بالدفاتر وخبيت
ياما ليال دموع عيني همالييل=ودي أبوح بسر قلبي وذليت
خفت الكلام تفسره غير ما أخيل=والا تجاهلني بعد ما ترجيت
حتى نبض قلبك بحبي هلا هيل =يا فرحتي هليت بي بعد حبيت
هذا كلامه يا حلاة التعاليل=اليا سمعته يشرح الصدر م أوحيت
صوته وصدقه والمشاعر محاميل =بعذب كلام(ن)منه ما يوم مليت
ياليت شوقٍ(ن)هزني تالي الليل=يدري به اللي مشغل البال ياليت

يكفيني إنه قال لي يـوم يـا ويـل
يا ويل قلبي منك لن غبت وإن جيت

أعجبني هذا المقطع حييييييل ^^
صح الله لسانك يالشاعر البطل

صحت أبدانكم جميعا


سعدت بحضوركم وردودكم الطيبة


بارك الله فيكم جميعا

لك تحيتي

المشاركة الأصلية كتبت بواسطة سمو البرنس (المشاركة 127429) يكفيني إنه قال لي يـوم يـا ويـل يا ويل قلبي منك لن غبت وإن جيت أعجبني هذا المقطع حييييييل ^^ صح الله لسانك يالشاعر البطل

صحت أبدانكم جميعا


سعدت بحضوركم وردودكم الطيبة


بارك الله فيكم جميعا

لك تحيتي

صحت أبدانكم جميعا


سعدت بحضوركم وردودكم الطيبة


بارك الله فيكم جميعا

لكم تحيتي