يطيب لي ليل السهر وانت واياي=يا من سكن ودك بوسط الحنايا
أحلام ليلي في غيابك مطاياي=تعبت وأتعبت الأمل والمطايا
يا أغلى من الغالين يا غاية مناي=ودك مسوي في فؤادي سوايا
يا منيتي منهو يسوي سواياي=أبلع مرار الصبر مره دوايا
يا غالية صرتي بدنياي رجواي=مشتاق لك شوق السباع الطوايا
أذوب من صوتك وأداري لبلواي=كني قريصٍ(ن)لادغته الحيايا
أون وأشكي ما سمعتي لشكواي=صورتك ما عادت لعيني مرايا
مشاعري تشكي من أوجاع نجواي=والحال يشكي من جميع الزوايا
أنفاس صدري كنها لجة عواي=تفضح مواجع كامنة بالخفايا
اليا ذكرت البعد والصد والناي=تجمعت فيني جميع الرزايا
كلي الم كلي من أقصاي لدناي=وأسباب ما فيني وكل البلايا
إنك بعيد وساكنٍ(ن)في حناياي=حبك مسوي في ضلوعي كوايا
تلعب بي الدنيا من أدناي لقصاي=وأخاف لا تسبق علينا المنايا
قدام لا تعطي وتقبل عطاياي=شوفتك عندي خير كل الهدايا
متى الفؤاد اللي ملكتيه والناي=تعزف لحون العشق وأنتي معايا