كل ما اتصل والرقم مشغول مشغول=والا تجيني نغمته غير موجود
مدري خلل والا خطا فاصل الكول=والا تبيني أركب اليأس وأعود
وإن كان هذا ما تبا قولها قول=لا تتعب أحلامي وأعود بلا فود
وإن كان تخشى إحراج دزه بمرسول=والك العهد ما عاد بزعجك بردود
بسجله في قائمة رقم مفصول=وأكتب عليه الرقم خاطي ومفقود
ماني بقاعد أتصل به على طول=ليا كان هذا الباب بالصد موصود
بريحه وأرتاح مافيه مأمول=ماني على حبل الشقا دوم محدود
بنسى كلامٍ(ن)فات لو كان معسول=وأشفر الأرقام وأغير الكود
هذا قرار العقل ما غيره حلول=ليا كان هذا الرقم منصاب بجمود
وإن قلت لي معقول؟الأمر معقول=حلٍ(ن)بسيط ولا يعاوز لمجهود
بغيره وأرميه في بئر زحلول=وأخلي المقرود يشقى بمقرود