لا تروحي سامريني لين يطلع فجر بكره=وإن عزمتي للرحيل الليل تزعجني حلومه
سامريني وإن غلبك الصمت يكفي منك نظره=ما تكنه في حشاك عيونك تبين رسومه
خلي الدنيا تروق ليا تبادلنا المسره=نختزل عمر الزمن كله بليلٍ(ن)طار نومه
كل ما ننهي لفكرة جددي لليل فكره=تنسي القلب المعنا يا غلا بعض همومه
أصدقيني وإكذبيني مرةٍ(ن)من بعد مره=لين يطلع صبحنا والليل يرحل عقب يومه
لا تخبي في مسامرنا ولا مثقال ذره=سولفي لي وإسمعيني والسمر طابت علومه
في حضورك كل شيء يزين ماحبه وماأكره=وإن سريتي تمسي البهجة بدنياي معدومه
والك مني ما يجيلك في مسامرنا مضره=النوايا صافية بالفكر والعقل محكومه
مستحيل الحر يرضى بالأذى يلحق لحره=الذهب يبقا ذهب والصقر ما يطرب لبومه
الكواكب من خلقها الله تعانق للمجره=والسما فوق الثرا والخير يسعدني قدومه
لا تروحي سامريني لين يطلع فجر بكره=وإن عزمتي للرحيل الليل تزعجني حلومه

نصّ أكثر من عذب وبوح أرقى من الرّقي ذاته

اعتليت بنا هامات الجمال لهكذا صباح ورحلنا معك..

نسامر فكركـ
شذى وعطركـ ...............؛

صحّ بيانك وكلّك،
يسلم بوحك ونبض روحك
لاهنت، مودتي.................؛

هائية

في غـــاية الرّوعـــة

يا أخي

بـــــــارك الله فيـــــــــــــك

يا كريما

إنّـــي لابـــثٌ مليّا لقراءة جـــــديدتك