سلام ردية(ن) بعد البطا والغياب= على الرجال العريبه جيت بادي بها

سليم وقت الملاقا ماتذل وتهاب= من ذاق مشعابها يمسي يهذري بها

يا مرحبا ياهلا يا متعبين الركاب=في حلة(ن)ما يمل الضيف من طيبها
سليم نعمين لو ذاقوا طعون الحراب=ماهي غريبة ليا رمت مشاعيبها

دام البقا بالرجال اللي تحل الصعاب= اللي على اللازمه توفي مطاليبها
مااقول زايد علاكم مار جاك العذاب= وان شفت مشعابنا غترتك ترميبها

الأرض تحت السما وسليم فوق التراب=ياراعي البندق اللي صبح ترمي بها
أخر زمان الحصيني صار ند الذياب=نسي ضبيحه يبا يقنب مقانيبها

مايلزم الارض غار جبالها والهضاب= وسليم مثل الجبال ولاانت داري بها

قال المثل مايضر النبح غزر السحاب= ياراعي البندق اللي زم تصويبها

القافلة ما عليها من نبيح الكلاب=هذا مثل والعوارف منت بصحيبها
سليم تبا المثوبة مار جاها العقاب=سواه شجرة هبوب النود تومي بها

القافله تايهه ياهيه وسط الشعاب=وتقول انا اللي عريف الها واماري بها

ضيعت خصمتك ماتعرف سوال وجواب= لكن حالف يمين انك لتسري بها

مخلف علامه غدا ما بين ضرسٍ(ن)وناب=تطحنه سود الليالي مادري بعيبها
شيبت يا صاحبي وأنته بوقت الشباب=يا راعي الصيده اللي جيت تحبي بها

مخلف ماهو لقمة(ن) مخلف سواة الشهاب= وسود الليالي توريكم تقاليبها

ماعاد يهناك زاد ولاهناك الشراب= ياكيف وضع الصلاه اللي تصلي بها