بكيتك للقصيد وزادني لوعة على لوعه=ولذت بصمتي المكلوم يحضني على مابه
بكي صمتي على حالي وعيني منبع دموعه=الا يا شين ليلي والبلا قلبي وما صابه
يصير الليل كنه دهر فجري طول طلوعه=ويثقل هم روحٍ(ن)من غياب الولف منصابه
ليا مني ذكرت لوقت فات ويصعب رجوعه=أحس إن الحلوم اللي مضت بالوقت كذابه
لسوء الحظ كل دروبنا للوصل ممنوعه=ويبقى الحلم ضيم وهم والأحوال غصابه
بعد فات الرجا في سكة(ن)قدام مشروعه=ياكيف نداوي جروح الفؤاد وننهي حسابه
حياتي من حياتي كن بيت الروح منزوعه=غدا ليلي نهاري والأمل من يفتح أبوابه
ولا باقي ياكود جروح جوف الصدر مزروعه=دواها مستحيل الا بضم القلب لأحبابه
بكيتك للقصيد وزادني لوعة على لوعه=ولذت بصمتي المكلوم يحضني على مابه

الف شكر لك


لا عدمت حضورك وردك الطيب

صح بدنك ولا هنت


تقبل تحيتي