طال الغياب وذكرت الدار ورجاله=والمجلس اللي ينومس راس من جاله
اللي على البال لو ماكنت في باله=واليوم موعد وبكرة موعد(ن) ثاني

يالي لا لا له يالالا لاه سلام ياهل العرف والجود=يالي لا لا له يالالا لاه واهل المهمات الصعيبة
يالي لا لا له يالالا لاه الود جوف الصدر موجود=يالي لا لا له يالالا لاه والذيب ماينسى صحيبه

لاباس لا باس والقيفان ملحوقه=يا شاعر(ن)زان محرافه ومنطوقه
العبد بمر الكريم مدبره فوقه=واليوم موعد وبكرة موعد(ن)ثاني

يالي لا لا له يالالا لاه يا مرحبا يا مذخر العود=يالي لا لا له يالالا لاه وقت اللقا ينطح كتيبة
يالي لا لا له يالالا لاه راع الوفا ماهو بمجحود=يالي لا لا له يالالا لاه كل(ن)يبا ياخذ نصيبه

يابن هليل نسيت الملح والزادي=مدري من اشغال والا كبر وعنادي
لاعاد منهو يكب الرفق لا عادي=واليوم موعد وبكرة موعد(ن)ثاني

يالي لا لا له يالالا لاه دام البقا ياحامي القود=يالي لا لا له يالالا لاه ياشيخنا يابو عتيبة
يالي لا لا له يالالا لاه صاحبك اله شهرين مفقود=يالي لا لا له يالالا لاه وانت السبايب في مغيبه

ماني بناسي لكنك قمت تتبلا=وليا زهمتك على ماجوب تتخلا
ولى زمان التصافي يا ولد ولى=اليوم موعد وقبله موعد(ن)ثاني

يـالــي لا لا لـــه يــــالالا لاه مافوقكم ياذيب من زود=يـالــي لا لا لـــه يــــالالا لاه عجيب وعلومك عجيبه
يـالــي لا لا لـــه يــــالالا لاه اليا حداه الوقت بيعود=يـالــي لا لا لـــه يــــالالا لاه يرجع رضا والا غصيبه

اللي زهمني على التوجيب لبيته=واللي زهمني على المكروه كبيته
ومحشم(ن)صاحب التقدير في بيته=واليوم موعد وبكرة موعد(ن)ثاني

يالي لا لا له يالالا لاه لا تدمحون صدود بصدود=يالي لا لا له يالالا لاه وانتم سوايركم عريبة
يالي لا لا له يالالا لاه عندي علاك اثبات وشهود=يالي لا لا له يالالا لاه والحق كل يرتضيبه

صحت الالسن والقلوب

وبيض الله وجيهكم

ابــــــداااااع رااااااائع

تقبلوا تحياتي