يا سلامي عليكم يا عيال الحمايل = يا عساكم بخير و دايمٍ فالوجودي
ما فعلنا مع الهذلان غار الجمايل = كيف تجرأ هذيل وتقترب من حدودي

مرحبا ياالمسلم عد برق المخايل= ياحفيد الشيوخ معربين الجدودي
مانسينا جهود اهل الوفا والفعايل= والحدود معروفه مثبته با الشهودي

الله اكبر على الماضي و زين العمايل = يوم زرق الرماح ويوم قدح الزنودي
لكن اليوم اقمتوا دعوهـ بلا دلايل = كلبوها طماعة قلب واحد حسودي

الله اكبر على الماضي وقدح الفتايل= يوم ماقف هذيل مع الرجال معدودي
الظليمه تراها ماوراها حصايل= لاتطاوع هواك تميل مع كل عودي

كبدك اللي من الماضي تشيل العلايل = لا يطول النقاش و لا تبيح السدودي
اخذ علمٍ وكاد بصدق و الشك زايل = ما ظلمنا ولا جينا بليّا شهودي

مامشينا بغدر ولانعرف المحايل= ابك حنا معلقة الشحم فالعمودي
عدنا صافي وعد العتيبي ثمايل= فوق راس الثبيتي زلزلي يارعودي