ياللي تلاعبني بمعسول الكلام=هذا سلاح ما يحسم المعركه
الضلع ما يهتز لو رشه غمام=والبحر ما يرتاع من فر سمكه
لو قلت لك ما تفعله حلو وتمام=بعض المواقف موجبه للفبركه
وإن قلت لي سلام برد السلام=رد التحية طيبٍ(ن)فيه بركه
وليا سلكت بدرب محلك بالظلام=ماهو بغصب أمشي بدرب تسلكه
درب النقا واضح ولافوقه عسام=والنور ماهو مثل ظلمه محلكه
ومن لا يحسب للندامة والملام=ماني خويه بالمتاهة بتركه
أنا معي عقلي ولاني غر فام=ماني من اللي يرتمي بالتهلكه
ما رافق الا واحدٍ(ن)عالي مقام=بالمملكه والا بغير المملكه
ليا حان وقت الجد شديت الحزام=واللي يقابلني حرامٍ(ن)بهلكه
في راسي التدبير وبكفي حسام=والكلكة ما تنحسم بالكلكه
الحر ما يندس ما بين الحمام=ولا كل طيرٍ(ن)سهل ياقع بشبكه
الليث لو نابه تبين للأنام=لا تحسبن الليث شيء(ن)ضحكه
قلب الأسد ما ينام لو عينه تنام=يفز لامنه شعر بدنى حركه
مايدس راسه بالثرا غير النعام=اللي يروعه كل صوت ودربكه
هذا قراري بالبداية والختام=ماني من اللي يتبعون الحكحكه

صح بدنك ولا هنت


بارك الله فيك


لك تحيتي

صح بدنك


سعدت بردك الطيب


لك تحيتي

ياللي تلاعبني بمعسول الكـلام
هذا سلاح ما يحسـم المعركـه
الضلع ما يهتز لو رشه غمـام
والبحر ما يرتاع من فر سمكـه



يا سلام بدايه رائعه تشد إنتباه المتلقي




الليث لو نابـه تبيـن للأنـام
لا تحسبن الليث شيء(ن)ضحكه
قلب الأسد ما ينام لو عينه تنام
يفز لامنه شعـر بدنـى حركـه





وهنا تكتمل روعة البدايه مع النهايه


وقفنا نتأمل معسول الكلام
واغمضنا أعيننا وتخيلنا ذلك الوقت


استمتعنا لهمس كلماتك
فكانت من أروع تلك الهمسات



صح لسانك للرضى

دمت برقي وجمال نزفك