يامرحبا بك ياالذويبي عد هملول السحاب= عساك ذخر(ن) للرجال اللي حمت ميقافها
بيني وبينك علم ياذيبان ومزارق عتاب= واللي يعرف ثقالها لازم يطوف خفافها

عسى البقا لك من غزير(ن) سيلها يعلو الهضاب=اما الثقيلة والخفيفة موثقين كتافها
مابة عتاب(ن)بينناوحنا زمالة فالكتاب= والا الحروف الأبجدية دارسين حروفها

ما قول فيك قصور ترقى للمعالي والصعاب= واللي تجمل بالسلف ردوا علاه اسلافها
انتم بني عمي لكن الذاهبه راحت ذهاب= قسمي من الفطحه لكن الذيب الامعط لافها

إبداع بمعنى الإبداع

يا راع الصدق


وبيض الله وجهك

أنت ذيب وتعرف الديره وفالديره ذياب=مار الجمايل والدلايل بيننا لا تجذ أوصافها
ناس تاكل فالفطح وناس تشبع من كباب=والميته القشرا ترى ماني أنا بحذافها

انا اعرف ان القيده لامن جفل طش الزهاب= لكن محراف القصيده ملتوي محرافها
بعض العرب يونس على كبده حراره والتهاب= مار الجمل عوجة رقبته بالعوج ماشافها

يا بن حميد طريقك ما طوله ولابه ضباب=مارالبيوت الوافيه لك ما نعذرب قافها
والخطيبه غببوها فاظهر عشرين ناب=لين ضاعت بينكم من يحني كفوفها

تاكل التمر ه وترمي عليه بالجراب= والحقيقه فعلتك كل واحد شافها
كيف تجهل حقنا ماتخاف من الحساب= يوم ماتنفع سمان العلوم عجافها