القوافل العربية

القوافل العربية (https://www.alqwafel.com/vb/index.php)
-   قوافل محاورات الأعضاء الشعرية (https://www.alqwafel.com/vb/forumdisplay.php?f=22)
-   -   عابد علاك الرده (https://www.alqwafel.com/vb/showthread.php?t=13666)

المسعودي 18-03-2010 01:21 AM
عابد علاك الرده
 
بعد شوطين فالميدان ازيد الحق علاكم شوط= ولن زاد الامر زدنا علاكم والرجال شهود
انا عندي دوى المجنون كيه مع طرفها سوط= ومنها يسلم الجني وتوبه ماعلاه يعود

binhlailبن هليــل 18-03-2010 01:23 AM
رد: عابد علاك الرده
 
المسعودي




صح لسانك وبيض الله وجهك



بدعة رائعة لا هنت



وبنتظار الشيخ عابد ليكمل الابداع

عابد عبدالله الثبيتي 18-03-2010 01:31 AM
رد: عابد علاك الرده
 
والا ياشاعر الهذلان فيك من الشروط شروط=علاك من الشروط شروط ياحاوي ويامردود
انا حققت فالموضوع فيك من الخيوط خيوط= وانا خابرك ذيب مايداني ريحة البارود

المسعودي 18-03-2010 01:34 AM
رد: عابد علاك الرده
 
صح بدنك يابن هليل وكل من تابعنا

المسعودي 18-03-2010 01:40 AM
رد: عابد علاك الرده
 
والا ياشاعر الثبتان تبغى نجمتين ونوط= كمنك من عزاز القوم تفزع فاالليال السود
خيوطك ردها للي تراوح فاخر المربوط= وانا من لابة(ن) يوم الملاقا يقدحون زنود

عابد عبدالله الثبيتي 18-03-2010 01:50 AM
رد: عابد علاك الرده
 
انا خابر هذيل اهل المناحي تاكل الشرموط= وحنا ياوسيع المعرفه نشرب حليب القود
نسوق البل قدام الظعينه والفرس مربوط= لكن الله يمسيكم بخيره يابني مسعود

ابن عبود 18-03-2010 01:54 AM
رد: عابد علاك الرده
 
صحت السنتكم وبيض الله وجيهكم

المسعودي 18-03-2010 01:59 AM
رد: عابد علاك الرده
 
وانا عندي خبر فاهل القرايا تاكل اللعموط= تليم فوقه عتيبه وتمعس مثل معس الدود
تسوقون الضعينه والفرس في ناحره ملبوط= من كفوف الرجال اللي على وضح النقا المجرود

عابد عبدالله الثبيتي 18-03-2010 02:09 AM
رد: عابد علاك الرده
 
انا مابغى عسلكم حيث مابيت العسل مصفوط= تريح بين ربعك لاتعنى والعدو مقرود
عشاكم فوقه الملح الكثير ورزكم ممهوط= احد منكم صحا والثلث الاخر فالمسيد رقود

المسعودي 18-03-2010 02:20 AM
رد: عابد علاك الرده
 
انا خابر عتيبه كلهم مافيهم المضبوط= احد منهم يجر السمسميه واحد فوق الود
عشانا ياطويل العمر مانخلط علاه القوط= ترانا ناكل الفطحه ولا ناكل من العجرود

نجم العرب 18-03-2010 02:27 AM
رد: عابد علاك الرده
 
الله الله



وش ذا المصامخ الحامي


صحت السنتكم

عابد عبدالله الثبيتي 18-03-2010 02:31 AM
رد: عابد علاك الرده
 
اظنك ماتعشيت العشى من قدرك المظغوط=لكن اضحك وانا اضحك بك وهبي ياهبوب النود
عسى ربي يشيل العزوه اللي رزقها مغطوط= ترى ربي رمابك في علوم دربهامسدود

المسعودي 18-03-2010 02:51 AM
رد: عابد علاك الرده
 
انا مااكل من قدور الهنود اللي تموطه موط= عشايه حافظه مايقربه هندي ولا مقرود
ضربك مغاط عامر لين جاك الشر ياممغوط= وانا خابر عتيبه فالمواقف ماوراهم فود

عابد عبدالله الثبيتي 18-03-2010 03:00 AM
رد: عابد علاك الرده
 
دخيلك لاتنوش الحاجه الي جلدها مجلوط= وحنا عتيبه الهيلا ودايم عسكر ابن سعود
انا ابمغطك وابا اجيبلك من عند الفقيه صعوط= علاجك جبته اليومه لقيته عند ابن دايود

المسعودي 18-03-2010 03:06 AM
رد: عابد علاك الرده
 
انا مااقرب ولاني من رجال(ن) عقلها مفروط= ولاني مثل من ياكل عنب ويجربع العنقود
مغطك الناقر اللي مادواه الشب والشلهوط= والا ياشين حظك لو تنوشك درمة الجلمود

عابد عبدالله الثبيتي 18-03-2010 03:14 AM
رد: عابد علاك الرده
 
انا ماني بجوز العاهر اللي بطنها محقوط= علاها شارة حمرا وشوفتها تغث الفود
انا ابغبط الشاعر واقله دوك ياالمغبوط= علومك لاتنزلها نبيها فالطلوع سنود

المسعودي 18-03-2010 03:21 AM
رد: عابد علاك الرده
 
وانا ماني بجوز الماعر اللي راسها قرفوط= ماغير الريش والجنحان وافالك من المنقود
ليا غبطت تلقا الصيده اللي راسها مرطوط= علاكم بالعوافي واشرب الما من غزير عدود

عابد عبدالله الثبيتي 18-03-2010 03:33 AM
رد: عابد علاك الرده
 
عساكم ماتشمون الهوى يااهل الجبل صابوط= لكن ان كان باليك الهوى فاصحا تكب نجود
ترى موترك ياسواق عان سرندله مفروط= اخذته كاش والا بالشهر تدفع علاه قصود

النمر العربي 18-03-2010 03:36 AM
رد: عابد علاك الرده
 
يا سلام عليكم شعار مبدعين صحت الالسن

المسعودي 18-03-2010 03:39 AM
رد: عابد علاك الرده
 
سرى ليل الطرب والليل يالاقط وياملقوط= واحد يرقى الجبل واحد على سفح الجبل ممدود
ترى من ضيع وصاة الابو سموه بالمنقوط= عسى ربي يعوض مابذلته معك من مجهود

عابد عبدالله الثبيتي 18-03-2010 03:51 AM
رد: عابد علاك الرده
 
دخيلك لاتشلمطها واقلك روح ياشلموط= وردنا مالقينا الاالنضابه غاية المقصود
لكن الذيب ولد الذيب مايسري مع البطبوط= تقطع في جذوع الطلح وتنبرش هشيم العود

المسعودي 18-03-2010 04:02 AM
رد: عابد علاك الرده
 
تشعبط في وانا اقول وخر ياهذا الشعبوط=اعلمك عربي وانته تراطن مثل رطن زيود
انا ماني بطير انا يميني فالشبب محطوط= مرار اقول ثلب ومر اقلك حاشي(ن) مفرود

عابد عبدالله الثبيتي 18-03-2010 04:12 AM
رد: عابد علاك الرده
 
انا خابرك مسعودي ولا انته من قبيلة حوط= وفيه ثياب ملتفه وفيه ثياب محروده
انا خابرك متعني ولاانته فالعرب مبسوط= وراع الضان مع ضانه وراع الذود مع ذوده

المسعودي 18-03-2010 04:26 AM
رد: عابد علاك الرده
 
وانا خابرك فثبيت العريقه ماانت من غطغوط= من رجال الوفا واهل الكرم واهل النبا والجود
احد زارط بها الدنيا واحد في دنيته مزروط= واحد فرحان واحدن يالثبيتي فالزمن ملهود

المسعودي 18-03-2010 04:37 AM
رد: عابد علاك الرده
 
تصبحون على خير واستروا ماواجهتوا

صقـر عتيبـة 18-03-2010 04:39 AM
رد: عابد علاك الرده
 
الله الله صح السانكم يا

عابد الثبيتي / و / المسعودي

بدعه جزله من رياجيل جزلين .. محاورة نارية الحقيقة ..

متااااابع لكم .. تقبلو تحيااااااااااتي الخاااااااصه

صقر عتيبة

قايد الفوج 18-03-2010 06:19 AM
رد: عابد علاك الرده
 
صح لسانك يا المسعودي

صح لسانك يا عابد


محاورة قويه بصراحه

مصامخ و مصافق الله يكفي شره هههه


مشكورين


الساعة الآن 04:22 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w