سلام رديه سياسيه مثل حرب الحدود = اللي مناجخها تدخّن في جبل دخانيه !!
ياجارنا ياللي تلد العين وترز العمود = ان ماقنعت من اولتها تقنع امن الثانيه !!

يامرحبا والليله الليله ترى ليلة سعود= وانتم كرام سبال يالاحي وياليحانيه
انته تجيبلنا علوم مالها صك وشهود= لكن اقلك لاتحك الزند بالصوانيه

ارض السعوديه ماباقي يفترشها الا الزيود = الحوثي يحثحث لحربه من طرف جيزانيه !!
والكيمره ترصد حركتهم على ارض ابن سعود = مزبانهم ضلع اليمن وسلاحه من ايرانيه !!

انته ا لك عادات يافواز والعاده تعود= لكن باالله لاتجيب النا العلوم الفانيه
حنا لنا عاده على العليا وعادتنا الصعود= واما انت لاتبني البيوت الا على سيسانيه

تثبيت والصلمان ياعابد من ايام الجدود = تربطهم الجيره ووزعتهم كما الاخوانيه !!
اخاف تطمع فالزياده يالثبيتي ماتزود = تحمّد الله يوم جيتو فالبيوت البانيه !!

الله يمسيكم بخير ولايجي فيكم حسود= لكن اظنك تعرف الكسبان والخسرانيه
حنا وردنا فوق عد فوقه العالم ورود= وانا من العتبان وانته شاعر الصلمانيه

يطرون شاعر له قصيده مثل قدّاح الزنود = يقول (اببدي في منيفه وابدي العمدانيه ) !!
لاتحسب ان القوم ياعابد على غفله رقود = من بعد ماشفتك تثنّا كنّك الريحانيه !!

حنا ليا منا وردنا الما على عين البرود= نشرب ونصدر لاتجيب العلم ياطمعانيه
ياشاعر الهذلان خلك مع مصرفة النقود= واللي يعرف العلم قرر شوكة الميزانيه

اخذ زمام العلم في قلبك قبل حشد الجنود = اليوم احذركم وبكره .. مدة السفطانيه !!
تذرّ ياعابد عن ثعول الخيال اللي يقود = اليا امطرت دوّر ذرى يذريك فالريعانيه !!