هلا يامرحبا ترحيب ماهو جاي عاريه=على نهج الكتاب وسنة المبعوث للأمه
ابا لي شاعر(ن)ماقال شعري سقو جنيه=لكني مضمنه يرجع سليم الصبح فوق أمه

يدوم الك البقا والشمس ماهي صنعة الفيه= ترى بعض البشر دايم يفك العلم ويخمه
انا شعري من الجم الغزير وذخر اهاليه= لكن ان كان ماصدقتني فارد على جمه

بعد جاني كبير القوم ماله عاد ماويه=وطاه الرمي لا شتله ولا هفوه ولا زمه
يقولون العرب عابد معه صلاح مدريه=وأنا اقول الولد طالع شبه خاله مثل عمه

انا ليه معك ياطيب الاخلاق وديه= لكن اللي يعقب له ولد سما الولد سمه
انا مالي بها واخذالخبر ميه على ميه= لكن ان كان تبغاها عضو في مجلس الامه

نبا نكشف رصيد البنك لكن صبرك شويه=ولدنا بين الصورة لكنك منته بيمه
تشب النار وطفي وحنا نارنا حيه=سنين طوال والأجواد حول النار ملتمه

ليا منك كشفت البنك ياالله تدفع السيه= تبا تلعب على الحبلين والا تعكف العمه
وحنا فاالبلد نمشي وعملتنا سعوديه= لكن الذيب الاشهب لايجي دمك على دمه

وظيفة عابد المذكور ظني خارج الهيه=مرتبها لو إنه ياكله في يوم ما سمه
يادكتور أنت يدك ليش فوق الكوع ملويه=دخليك لا تبعثر لك علوم اليوم مندمه