سلام والدعوه على قول المثل ضحك ومزوح = وهذيل من بعد الغنا فيهم من الفقر حسنه
بعض الجروح اتطيب لكن البلا بعض الجروووح = تنزف لها (20) عام وفوقها ( 12) سنه

يامرحبا والضحك اله لسعات ومغول وندوح=و زاد الحنادي ياالحبيب صقرنا شايم عنه
انا من رجال الوفا عندي على العليا طموح= واللي يريد الدندنه يبلش بكثر الدندنه

دام البقا وانته على كيفي تجي ولا تروح =ترى العتيبي لانواك بشر ماتسلم منه
ياشاعر الهذلان ماعندك على الدعوه فسوح = ضيعت قسمك لا تقلي كل حاجه ممكنه

ماني على كيفك وانا باني على العليا صروح= انته تحت حكمي وترضخ تحت حكم السلطنه
ترى الردي لونمدحه ماترفعه كثر المدوح= والذم مايرخي عزوم اهل الوفا والهيمنه

ماتدري انك صرت فالميدان جسم بدون روح = جسم ٍ كتبه الله عشا للدود في و سط كفنه
اللي ترجى فيك خير امسى على قبرك ينوح = واحصانك اللي طاح فالميدان ماخوذ رسنه

انا مجري للذروق ومن بعيدين الشبوح= يموت مشقاص بلهوده وبحروره وغبنه
اذيت شعار الملاعب بالملاهب فالفسوح= اعطيت درب الميسره ماعطيت درب الميمنه

انا ليا مني لعبت العب وسدي مايبووووح = احك دايم صفرة الرجال و اعرف معدنه
هذي دعاوي والمزون اللي بوارقها تلووح = احد ٍ تسره ياطويل العمر واحد ٍ تحزنه

العب ولاتامن عواقب رمحة الوقت الرموح= اما رمحك اليوم والا في نهايات السنه
انت بدوي(ن) ماتفارق ديس ناقتك المسوح= ماني مناديك اب هن اقول لك ولد هنه