ياراع الصدق لابالله حصلّك يومك الموعود=وعليك الدعوة اللي كبر ضلع النير وشعابه
اكلت الرأس والفطحه وعفت القلب والعجرود=وزعّلت الكريم اللي من أطيب ربعك عتابه

بعد ربي رمابك مالك الا الملح والبارود= ودعوه مالها برهان تسقط مالها جابه
كسبنا الطايله وانته كسبت مع العرب منقود= والا يااللي تصب الكيف مثلك ناس صبابه

أنا خابرك راعي طيب وأنا اخبرك راعي جود=لكن المشكله فاللّي عليكم فاتحٌ بابه
ليا منا تقابلنا على وضح النقاء المجرود=أعلمك بكلامٍ يظهر الجابه من الجابه

وانا خابرك لازم ياعميل الخير ورث العود= وحنا مابلشنا غير فااللي شال مشعابه
تعرضت الدعاوي والدعاوي حبلها ممدود= على الساير تسير وكل واحد يحسب حسابه

انا يشرفني ويسعدني ويبهج خاطري= ان شفت رد الطيب الشغموم ابن غانم ذياب
الك التحيه عد براق الخيال الماطري= انا اشهد انك طيب المبدا وقدوه للشباب

ترى الرجال يكفي عذره الطيّب عن الموجود=ويلزمك العذر من عنتر اللّي فاتل أشنابه
ليا نوّر لك الرجال في ظلما الليال السود=هذا معروف فرقبتك وجاء للحق طلابه

انا مااخطيت عشان اتعذر ياقليل الفود= وعنتر مالي وماله ولامكرم من اقرابه
انا نوري مكفيني بطاعة ربنا المعبود= لسان ثبيت خوخا مامعه عقل يتلهابه

علاك بروق من مغرب ومن سد البروق رعود=بليس أخذ ثيابك وأنت أشوفك لابس ثيابه
لسان ثبيت في يمناه سيفً للعدا محدود=لكن أنته ماتحمل سلته بـ أضربك بنصابه

لا والله دوب يابو زيد حك العود راس العود= فعول ابليس وفعولك تراها اليوم تتشابه
جزا فالسيف تبشر من يميني تو نس العبرود= لو انك فيك خوف وذل ماانته قادر تجابه