ودوا سلامي يا موديت الأعلام=للي لهم بالقلب منزال عالي
قولوا تراه بخير لكن منضام=وليا نشدكم علموه بحوالي
قولوا حداه الوقت وظروف الأيام=واللي جرى له بالليالي جرى لي
أخذ ثلاث ليال ما نام ما نام=وليا غفيت شوي مشغول بالي
مابين هم وغم وجروح وأحلام=أقلب الأيام فوق الليالي
ماكني الا عاكس سير الأيام=ما عاد أميز واقعي من خيالي
أحلم ببكرة وأفتكر مامضى العام=واللي أشوفه مر لا فات حالي
اللي رجع للخلف ما يعود قدام=واللي بعد ما صار يمكن محالي
ماسلوتي غير التوجد والأوهام=وأسج فكري بالقصايد والالي
أبني قصور بليل ثم تصبح حطام=أهد وأبني والتوالي لوالي
كل(ن)يبا ياخذ نصيبه والأقسام=مقسمه من عند راع الجلالي
اللي خلقنا من لحم دم وعظام=وأوجد بنا حب الفخر والتعالي

الله الله الله

صح لسانك وعتلا شانك

قصيده راااااائعه ومتميزه

تسلم يمينك

تقبل تحياتي