بالليل ترتاح المخاليق وتنام=وأنا لذيذ النوم ما طب عيني
بين الوقائع والحقائق والأوهام=أساهرك ياليل والله يعيني
أتبع ركاب الفكر لو كانت أحلام=أضحك شوي وجاير الهم فيني
ليا ذكرت العام واللي قبل عام=والقادم المجهول عيا يبيني
والعمر يمضي والزمن كله أيام=حتى لو إنه قيل عدة سنيني
صفحات نطويها ونمشي لقدام=زان الزمن والا عسى لا يزيني
مكتوبنا خطته بالغيب الأقلام=أجالنا وأرزاقنا بالجبيني
لأجل كذا سهرت بالليل منضام=أقلب كتاب العمر في يديني
صحائف(ن)مليانة خير وأثام=محصورة(ن)ما بين ربي وبيني
أعزها وأجلها دين الإسلام=أحيا وأموت ودين الإسلام ديني
وختامها عداد من حج ثم صام=صلوا على المختار في كل حيني

صحائف(ن)مليانة خيـر وأثـام
محصورة(ن)ما بين ربي وبيني

أعزها وأجلهـا ديـن الإسـلام
أحيا وأموت ودين الإسلام ديني


بن هليل

الله صح لسانك وعتلا شانك

بيض الله وجهك وتسلم يمينك

قصيده جميله ورااائعه

تقبل تحياتي