الايابن هليل لاتخلط السمن فوق الزيت= وتضحكبك عتابه وانت ابوها وانت قاضيها!!
تجيب اسم الجمل وتقول هذا من جمال اثبيت= علومك مالها برهان مدري ويش اسميها!!

هلابك ياعلي والأدمي ماهو كما العفريت=قربكم خلها مليانة(ن)واحذر تفضيها
تقوله والجمل ياصاحبي ماهو كما الخرتيت=حقيقه ثابته في حاضر الدنيا وماضيها

مدام انك من اهل البيت بالله لاتغش البيت= ليامنك رضيت المخطيه ماني براضيها!!
عليها وسم غيرك في حماهم وانت وش سويت=تشابه فالاسامي لو تعقلها وتثنيها!!

انا ماني من اللي يخلط السكر مع الحلتيت=ولاني باني اولها وهادم بعد تليها
أنا عارف حلاياها ولا همي ليا عييت=انا ماني مسلمها لحاميها حراميها

علي الثبيتي

بن هليل

بيض الله وجيهكم فتل ونقض

وبيوت مليانه على معنى

الليل لايسري

أنا مـــتابع

تقبلوا تحـــــــــياتي

هواجيسك تحكك مثل حك العود فالكبريت=كثير من العرب فالوقت غرتها هقاويها!!
الا يابعد كبكب عن مرات وعن جبال اكميت=لكن ارتاح يابن الناس واعط القوس باريها!!

هواجيسي رواسي مثل شمرخ كل ما عديت=يهولك والجبال الشامخة منته معديها
لكن ارتاح صل الخمس وادع الله ليا صليت=يجنبك السهوم وقوسها في كف راميها

الا يابن هليل مايفيدك قول لو وليت= بعد خربتها لازم بمجهودك تسويها!!
ترى فيه اختلاف ابماكتبته وانت راعي صيت= لكن احسب حسابك فاول الدعوه وتاليها!!

انا ماني نبي منزل ليا رحت والا جيت=ولاني شمس فوق الكون رب الخلق واليها
بعد ما صرت خصمك ياعلي كبرت ثم سميت=دعاوي مالها ضمان ماني حاضر فيها