قول الصراحة بس من دون تجريح=العاقل اللي يستمع للصراحه
لكن خلك حذر في كل تصريح=لا تكون في قولك سموم الوقاحه
نقح كلامك قبل تنطقه تنقيح=ترى القناعة نصها بالفصاحه
ما كل موقف يوجب تقول توضيح=حسن الخلق يجلب على النفس راحه
لا تكون قاسي تشبه لعاصف الريح=والا لمن جده يضيع بمزاحه
لا تكون زبد ليا قرب نار بيسيح=ولا تكون صخرة ما بها من ملاحه
الضلع لا تنطحه بالراس تنطيح=لا تكون كبش وعلته في نطاحه
بعض البشر لماح يكفيه تلميح=خلك فطين ولا تبعثر جراحه
لا تكون مثل المشط عشاق تسريح=ولا تكون سلبي عاشق الإنبطاحه
واجه لكن بدون شتم(ن)وتقديح=ترى الشتائم كلهنه قباحه
وترى اللسان حصان حذراك لايطيح=ليا طاح صعب يقوم بعد إنسداحه
والا الجسد لو طاح فوق التماسيح=يقوم لو هو طاح مليون طاحه
وختامها لله كثر تسابيح=بالك يروق وتهتني بنشراحه

صح بدنك ولا هنت



بارك الله فيك



سعدت بحضورك وردك

بارك الله فيك



سعدت بحضورك الكريم وردك الطيب



لك تحيتي

الله يسلمك ويعافيك



تشرفت بردك الطيب



لك خالص تحيتي

وجهك أبيض وصح بدنك



سعدت بحضورك وردك الطيب


لك خالص تحيتي

مشكور على المرور والرد الطيب



تقبل خالص تحيتي

بن هليل


صح لسانك وتسلم يمينك


قصيده جزله وحكم باهره


دومآ مبدع ومتميز


بيض الله وجهك



تقبل تحــــــــــــياتي